Казан. Горький исемендәге ял паркы

Быел җәй әни белән "Сәламәт иртә" марафонында катнаштым. Марафонның максаты сәламәт яшәү рәвеше формалаштыру, спорт белән шөгыльләнүгә күнекмә булдыру  һәм һәр көнне иртән торып йөгерү, фотога төшеп, социаль челтәргә урнаштыру  иде. Без 21 көн дәвамында көн саен иртәнге саф һавада кошлар, бөҗәкләр тавышын тыңлап, йөгереп,  сәламәтлегебезне ныгыттык. Марафон тәмамлангач, аны оештыручы "Татнетны үстерү" үзәге җитәкчесе Раил абый Гатауллин безне Казанга җыйды.Анда без ресторанда булдык, шәһәр буйлап, лимузинда сәяхәт иттек. Бик күңелле булды. Ә икенче көнне иртән  М.Горький исемендәге ял паркында йөгердек. Казанга бу сәяхәтем бик истәлекле булды.

#сәламәтиртә проекты

#сәламәтиртә проектында катнашырга булдым. Моның өчен һәр көнне иртән торып йөгерергә

кирәк. Карап карыйк, булдырып булырмы?

"Офык" мәктәптән тыш эшләр үзәге

Районыбызда быел "Офык" мәктәптән тыш эшләр үзәге, ремонттан соң, үз ишекләрен ачты. Монда бик күп түгәрәкләр эшләячәк.Робототехника,фото һәм видео студия, авомоделирование, инженер лабораториясе һ.б. кызыклы түгәрәкләр. Мәгариф хезмәткәрләренең август конференциясендә исә без республика кунакларын биредә каршыладык. 

Мәгариф министры Мөслимдә кунакта

Республика күләмендә укытучылар конференциясе барган көнәрнең берсендә районыбызга мәгариф министры Энгель Нәвап улы Фәттахов та килде. Ә без исә аның белән истәлеккә фотога төшәргә ашыктык.

Сабантуй!

Быелгы сабантуй бәйрәменең күңелле мизгелләре...

Республика ярышында беренче!!!

ГТО буенча беренче!!!

Сәләтле балалар фестивале

"Яшь татнетчылар" конкурсы

Дусларча очрашу

Күбәк урта мәктәбендә Пионериянең туган көненә багышланган чара үткәрелде. Монда без пионер тарихы белән таныштык, флеш-мобта катнаштык. Ахырдан ике мәктәп укучылары арасына дусларча очрашу - футол ярышы булды. Һәм, әлбәттә, безнең команда җиңүгә иреште!

"Үлемсез полк"та бабам да бар

"Имин көпчәк-2017" конкурсы

Габдулла Тукай исемендәге мәктәп базасында “Имин көпчәк” исемле республика конкурсының төбәк бәйгесе үтте. Әлеге бәйге район юл хәрәкәте иминлеге дәүләт инспекциясе, юл иминлеге дәүләт бюджет учреждениесенең Сарман һәм Мөслим районнары буенча профилактика бүлекчәсе, мәктәптән тыш эшләр үзәге һәм мәгариф идарәсе ярдәме белән үткәрелде.   Бәйгедә районыбыз мәктәпләреннән 17 команда катнашты. Алар медицина, агитбригада, велосипедта йөрү, юл йөрү кагыйдәләрен белү буенча теория һәм практика буенча көч сынаштылар. Бу конкурс-бәйгедә мәктәбебезнең "Светофор" командасы (Мухамадиева Азалия, Яруллина Роза, Насыбуллин Азат, Хәкимов Денис) уңышлы чыгыш ясады. Ә мин  "Автошәһәрчектә велосипед йөртү" этабында  малайлар арасында 2 урын яуладым. Җитәкчебез Әхмәтов Р.Ә. 

"Көмеш кыңгырау"да минем беренче шигырем

Фоат Садриев укулары-2017

Мөслим  лицеенда IV республикакүләм "Фоат Садриев укулары" булды. "Мәгариф"журналы белән берлектә үткәрелгән бу чарада бик теләп  катнаштык. 80 нән артык укучы һәм укытучының эшләрен күренекле язучы, шагыйрьләр һәм галимнәр бәяләде. Бу бәйгедә мин якташым, авылдашым шагыйрь, язучы, "Көмеш кыңгырау" газетасының баш мөхәррире Факил абый Сафин иҗатына багышланган эшем белән  2 дәрәҗә диплом,  6 нчы сыйныф укучысы Шамс Айрат 3 дәрәҗә диплом белән бүләкләнде. Бу бәйгедә урын алу безне тагын да зуррак уңышларга ирешергә рухландырды.

Һәр сыерчыкка бер оя!

Канатлы дусларыбыз кайтуга ел саен сыерчык оялары ясыйбыз. Быел да мәктәптә елдагыча "Һәр сыерчыкка-оя!" конкурсы үткәрелде. Конкурс нәтиҗәләре буенча, 5 класстан Хәкимов Денис, 6 класстан Әхмәтгалиев Рәфәгат, Шамс Айрат, 8 нче класстан Суфиев Рәзил, 9 класстан Вәлиев Илнар һәм Якупов Илдарларның ясаган оялары иң яхшылары дип табылды һәм район конкурсында катнашу хокукын алды. Бу конкурста җиңүчеләргә грамоталар, катнашучыларга рәхмәт хатлары бирелде.

Экскурсия

М.Шәймиев атналыгы кысаларында "Туган як тарихын өйрәнү" түгәрәге әгъзалары түгәрәк җитәкчесе Хәкимова Г.Ш. һәм тарих укытучысы Әхмәтов Р.Ә. белән берлектә М.Шәймиевның  Әнәк авылындагы музей-йортына экскурсиягә бардык. Музей җитәкчесе Г.Гибадуллина М.Шәймиев, аның шәҗәрәсе, гаиләсе турында эзлекле, эчтәлекле итеп сөйләде. Укучылар  М.Шәймиев турында бик күп мәгълүмат алдылар. Беренче президентыбызның туган авылына экскурсия бик файдалы булды.